powerful-home-remedies-cure-piles

ಮೂಲವ್ಯಾಧಿ ಸಮಸ್ಯೆ ಅನ್ನುವುದು ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಜನರಲ್ಲಿ ಕಾಣಿಸಿಕೊಳ್ಳುವ ಸಾಮಾನ್ಯ ಕಾಯಿಲೆ ಆಗಿಬಿಟ್ಟಿದೆ. ಮೂಲವ್ಯಾಧಿ ಅಥವಾ ಫೈಲ್ಸ್ ಸಮಸ್ಯೆ ಬಂತೆಂದರೆ ಆ ವ್ಯಕ್ತಿಗೆ ಮಲವಿಸರ್ಜನೆಯ ಸಮಯದಲ್ಲಿ ಊಹಿಸಲಾರದಷ್ಟು ನೋವು ಕಾಡುತ್ತದೆ. ಈ ಸಮಸ್ಯೆಯಿಂದ ನರಳುತ್ತಿರುವ ಅದೆಷ್ಟೋ ಜನರು ನಾಚಿಕೆಯಿಂದ ವೈದ್ಯರ ಬಳಿ ತಮ್ಮ ಸಂಕಷ್ಟವನ್ನು ಹೇಳಿಕೊಳ್ಳುವುದೇ ಇಲ್ಲ. ಈ ರೀತಿಯಲ್ಲಿ ನಿರ್ಲಕ್ಷ್ಯ ತೋರದೇ ಚಿಕಿತ್ಸೆ ಪಡೆಯುವುದು ಉತ್ತಮ.

ಮೂಲವ್ಯಾಧಿಯು ಗುದದ್ವಾರ ಮತ್ತು ಗುದನಾಳಗಳಲ್ಲಿಯ ನಾಳಗಳು ಊದಿಕೊಂಡು ಮಲವಿಸರ್ಜನೆಯ ಸಮಯದಲ್ಲಿ ನೋವನ್ನು ಉಂಟುಮಾಡುವ ಕಾಯಿಲೆಯಾಗಿದೆ. ಕೆಲವರಿಗೆ ಗುದದ್ವಾರದ ಹೊರಭಾಗದಲ್ಲಿ ಫೈಲ್ಸ್ ಉಂಟಾದರೆ ಮತ್ತೆ ಕೆಲವರಿಗೆ ಗುದದ್ವಾರದ ಒಳಗೆ ಕಂಡುಬರುತ್ತದೆ. ಈ ಸಮಸ್ಯೆಗೆ ಶೀಘ್ರದಲ್ಲಿ ಪರಿಹಾರ ಪಡೆದುಕೊಳ್ಳುವ ಸಲುವಾಗಿ ಯಾವ ಯಾವ ಮದ್ದುಗಳನ್ನು ಮಾಡಿಕೊಳ್ಳಬಹುದು, ಪರಿಣಾಮಕಾರಿಯಾದ ಮನೆಮದ್ದುಗಳು ಯಾವವು ಎನ್ನುವುದನ್ನು ಈ ಲೇಖನದ ಮೂಲಕ ತಿಳಿದುಕೊಳ್ಳೋಣ…

  • ಮೂಲವ್ಯಾಧಿಯ ನಿವಾರಣೆಗೆ ಕೊತ್ತಂಬರಿ ಬೀಜ ಹಾಕಿ ತಯಾರಿಸಿದ ಕಷಾಯಕ್ಕೆ ಕಲ್ಲುಸಕ್ಕರೆ ಸೇರಿಸಿ ಸೇವಿಸುವುದು ಉತ್ತಮ ಪರಿಣಾಮವನ್ನು ನೀಡುತ್ತದೆ. ಮೂಲವ್ಯಾಧಿಯಲ್ಲಿ ಗಂಟು ಆಗಿದ್ದರೆ ಅಂದ್ರೆ, ನೋವು ಇಲ್ಲದೆ ಮತ್ತು ರಕ್ತವೂ ಬೀಳದೆ ಗಂಟು ಮಾತ್ರ ಇದ್ರೆ ಇದಕ್ಕೆ ಶುಂಠಿ ಕಷಾಯ ಮಾಡಿ ಸೇವಿಸುವುದರಿಂದ ಗಂಟು ಕಡಿಮೆಯಾಗುತ್ತದೆ.
  • ಮೂಲವ್ಯಾಧಿಯಿಂದ ಹೆಚ್ಚು ನೋವು ಮತ್ತು ನವೆ ಸಹಿತ ಕಾಡುವ ಮೂಲವ್ಯಾಧಿ ನಿವಾರಣೆಗೆ ಅಳಲೆಕಾಯಿ ಪುಡಿಗೆ ಬೆಲ್ಲ ಸೇರಿಸಿ ಸೇವಿಸುವುದು ಉತ್ತಮ. ಮೂಲವ್ಯಾಧಿಯಿಂದ ಮಲವಿಸರ್ಜನೆಗೆ ಕಷ್ಟವಾಗುತ್ತಿದ್ದರೆ, ತುಪ್ಪದಲ್ಲಿ ಹುರಿದ ಅಳಲೆಕಾಯಿಗೆ ಹಿಪ್ಪಲಿ ಹಾಗೂ ಬೆಲ್ಲ ಸೇರಿಸಿ ತಿನ್ನೋದ್ರಿಂದ ಮಲ ವಿಸರ್ಜನೆ ಸುಲಭವಾಗುತ್ತದೆ.

ಇದನ್ನೂ ಓದಿರಿ: ಬಿಳಿ ಕೂದಲಿನ ಸಮಸ್ಯೆ-ಅಂಗೈಯಲ್ಲಿಯೇ ಇದೆ ಮನೆಮದ್ದುಗಳು

  • ಮೂಲವ್ಯಾಧಿ ಸಮಸ್ಯೆಗೆ ಕಡೆದ ಮಜ್ಜಿಗೆ, ಹಸಿ ಮೂಲಂಗಿ, ಹಸಿ ಕ್ಯಾರೆಟ್‌, ಹೆಸರು ಬೇಳೆ, ಒಣ ದ್ರಾಕ್ಷಿ ಇವುಗಳನ್ನು ದಿನನಿತ್ಯದ ಆಹಾರದಲ್ಲಿ ಸೇವಿಸಿದರೆ ಮೂಲವ್ಯಾಧಿ ಕಡಿಮೆಯಾಗುತ್ತದೆ.
  • ಮುಟ್ಟಿದರೆ ಮುನಿ / ನಾಚಿಕೆ ಮುಳ್ಳಿನ ಗಿಡದ ಎಲೆಗಳನ್ನು ನೆರಳಿನಲ್ಲಿ ಒಣಗಿಸಿ ಪುಡಿಮಾಡಿ ಇಟ್ಟುಕೊಳ್ಳಿ. ಇದನ್ನು ಪ್ರತಿದಿನ ಒಂದು ಲೋಟ ನೀರಿಗೆ ಒಂದು ಚಮಚ ಹಾಕಿಕೊಂಡು ಸೇವನೆ ಮಾಡುವುದರಿಂದ ಮೂಲವ್ಯಾಧಿ ದೂರವಾಗುತ್ತದೆ.

how to treat hemorrhoids at home

ಇದನ್ನೂ ಓದಿರಿ: ಸಾಧಾರಣ ಶೀತ, ಕಫ ಸಮಸ್ಯೆಯಿಂದ ಬಳಲುತ್ತಿದ್ದರೆ ಇಲ್ಲಿದೆ ಸರಳ ಪರಿಹಾರ !

  • ಬಿಲ್ವಪತ್ರೆಯ ಎಳೆಗಳ ರಸವನ್ನು ತೆಗೆದು ಪ್ರತಿದಿನ ಸೇವನೆ ಮಾಡುತ್ತಾ ಬರುವುದರಿಂದ ಮೂಲವ್ಯಾಧಿ ದೂರವಾಗುತ್ತದೆ.
  • ಮೂಲಂಗಿಯನ್ನು ತುರಿದು ಮೊಸರಿನೊಂದಿಗೆ ಬೆರೆಸಿ, ಉಪ್ಪು ಮತ್ತು ಲಿಂಬೆರಸವನ್ನು ಹಾಕಿ ಅನ್ನದೊಂದಿಗೆ ಸೇವಿಸುವುದರಿಂದ ಮೂಲವ್ಯಾಧಿ ದೂರವಾಗುತ್ತದೆ.
  • ಮೂಲವ್ಯಾಧಿಗೆ ನೇರಳೆಹಣ್ಣು ಉತ್ತಮ ನೈಸರ್ಗಿಕ ಪರಿಹಾರವಾಗಿದೆ. ಇದಲ್ಲದೇ ಅಂಜೂರ ಸಹ ನಿಯಂತ್ರಣಕ್ಕೆ ತುಂಬಾನೇ ಸಹಕಾರಿಯಾಗಿದೆ.
  • ಇನ್ನು ಮೂಲವ್ಯಾಧಿಗೆ ಪ್ರಮುಖ ಕಾರಣ ಮಲಬದ್ಧತೆ. ಇದರ ನಿವಾರಣೆಗೆ ತ್ರಿಫಲ ಪುಡಿಯ 4 ಗ್ರಾಂ ನಷ್ಟನ್ನು ಬಿಸಿನೀರಲ್ಲಿ ಬೆರೆಸಿ ನಿಯಮಿತವಾಗಿ ಸೇವಿಸಬೇಕು. ಇದರಿಂದಾಗಿ ಮಲಬದ್ಧತೆ ದೂರವಾಗುತ್ತದೆ. ಅದರೊಂದುಗೆ ಮೂಲವ್ಯಾಧಿಯೂ ನಿಯಂತ್ರಣಕ್ಕೆ ಬರುತ್ತದೆ. ಇಲ್ಲಿ ಕ್ಲಿಕ್ ಮಾಡಿ ತ್ರಿಫಲ ಪುಡಿಯನ್ನು ಅಮೆಜಾನ್ ಮೂಲಕ ಖರೀದಿಸಿ 
  • ಮೂಲವ್ಯಾಧಿ ನಿವಾರಣೆಗೆ ಮಾವಿನ ಗೊರಟೆಗಳನ್ನು ಸ್ವಚ್ಛಗೊಳಿಸಿ, ಒಣಗಿಸಿಕೊಳ್ಳಬೇಕು. ಇದನ್ನು ಪುಡಿಮಾಡಿ ಪ್ರತಿದಿನ ಎರಡು ಚಮಚದಂತೆ ಜೇನಿನೊಡನೆ ಸೇವಿಸಬೇಕು.

piles treatment in ayurveda

  • ಮೂಲವ್ಯಾಧಿಯ ತೀವ್ರತೆಯನ್ನು ನಿಯಂತ್ರಿಸಲು ಅಲೋವೆರಾ / ಲೋಳೆಸರದ ತಿರುಳನ್ನು ಒಂದು ಚಮಚದಷ್ಟು ತೆಗೆದು ದಿನಕ್ಕೆ ಮೂರು ಭಾರಿಯಂತೆ ಸೇವಿಸುತ್ತಾ ಬರಬೇಕು.

ಸಾಮಾನ್ಯವಾಗಿ ಮೂಲವ್ಯಾಧಿಯಿಂದ ಬಳಲುವವರು ಮಲಬದ್ಧತೆಯಿಂದಲೂ ಬಳಲುತ್ತಾರೆ. ಇದಲ್ಲದೇ ಮಲವು ಗಟ್ಟಿಯಾಗುವುದರಿಂದ ಮಲವಿಸರ್ಜನೆಯ ಸಮಯದಲ್ಲಿ ರಕ್ತವು ಬರುತ್ತದೆ. ಹಾಗಾಗಿ ಮಲಬದ್ಧತೆ ನಿವಾರಣೆಗೆ ಹೆಚ್ಚಿನ ಫೈಬರ್ ಯುಕ್ತ ಆಹಾರವನ್ನು ಸೇವಿಸಿ. ಅಲ್ಲದೇ ನೀರನ್ನು ಚೆನ್ನಾಗಿ ಕುಡಿಯಬೇಕು ಮತ್ತು ಮೂಲಂಗಿ, ಕ್ಯಾರೆಟ್ ಮತ್ತು ಸೌತೆಕಾಯಿ ಸೇರಿದಂತೆ ತರಕಾರಿಗಳನ್ನು ನಿಮ್ಮ ದಿನನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳಬೇಕು. ಇದರಿಂದ ಶೀಘ್ರದಲ್ಲಿಯೇ ನಿಮ್ಮ ಸಮಸ್ಯೆಯು ದೂರವಾಗುತ್ತದೆ.

ಇದನ್ನೂ ಓದಿರಿ: ಜೀವಹಿಂಡುವ ಉರಿಮೂತ್ರದ ಸಮಸ್ಯೆಗೆ ಅಂತ್ಯಹಾಡುವ ಮನೆ ಮದ್ದುಗಳು

ಫೈಲ್ಸ್ ಸಮಸ್ಯೆಗೆ ಸಂಬಂಧಿಸಿದಂತೆ ವಿವಿಧ ಆರೋಗ್ಯ ಪರಿಕರಗಳನ್ನು ಹೆಚ್ಚಿನ ವೆಚ್ಚವಿಲ್ಲದೇ ಖರೀದಿಸಿ ಮತ್ತು ಅಫಿಲಿಯೇಟ್ ಕಮಿಷನ್ ಮೂಲಕ ನಮಗೆ ನಿಮ್ಮ ಚಿಕ್ಕ ಸಹಾಯವನ್ನು ಮಾಡಿ….

www.amazon.in

ತಾಜಾ ಸುದ್ದಿಗಳಿಗಾಗಿ ನಮ್ಮನ್ನು ಸಾಮಾಜಿಕ ತಾಣಗಳಲ್ಲಿ ಫಾಲೋ ಮಾಡಿ
ವಾಟ್ಸಪ್ಟೆಲಿಗ್ರಾಮ್ಕೂ ಆಫ್ಫೇಸ್ ಬುಕ್ ಫೇಜ್

ಪ್ರತಿಷ್ಠಿತ ನ್ಯೂಸ್ ಆಫ್ ಗಳಲ್ಲಿ ನಮ್ಮನ್ನು ಫಾಲೋ ಮಾಡಿ
ಡೈಲಿಹಂಟ್ಗೂಗಲ್ ನ್ಯೂಸ್ 

LEAVE A REPLY

Please enter your comment!
Please enter your name here