today-india-set-to-cross-historic-record-giving-1-billion-vaccine-milestone-celebration-at-red-fort

ಕೊರೋನಾ ಸೋಂಕು ದೇಶವನ್ನು ಬಿಡದೇ ಕಾಡಿದ ದಿನಗಳನ್ನು ಮೆಟ್ಟಿ ನಿಂತು, ಅದರ ವಿರುದ್ಧ ಹೋರಾಡಿ, 100 ಕೋಟಿ ಡೋಸ್ ಕೋವಿಡ್-19 ಲಸಿಕೆ ವಿತರಣೆ ಮಾಡುವ ಮೂಲಕ ಭಾರತ ದೊಡ್ಡ ಸಾಧನೆಯನ್ನು ಮಾಡಿದೆ. ಕಳೆದ ಜನವರಿ 16 ರಂದು ಮೊದಲ ಬಾರಿಗೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರು ಕೋವಿಡ್-19 ಲಸಿಕಾ ಅಭಿಯಾನಕ್ಕೆ ಚಾಲನೆ ನೀಡಿದ್ದರು. 9 ತಿಂಗಳ ಬಳಿಕ ಲಸಿಕೆ ವಿತರಣೆ ಪ್ರಮಾಣ ಇಂದು 100 ಕೋಟಿ ಗಡಿಯನ್ನ ದಾಟಿದೆ.

ಕೋವಿನ್​ ಪೋರ್ಟಲ್​ನಲ್ಲಿ ಬುಧವಾರ ರಾತ್ರಿಯ ಅಂಕಿ ಅಂಶಗಳ ಪ್ರಕಾರ, ದೇಶದಲ್ಲಿ ಒಟ್ಟು 99.7 ಕೋಟಿ ಡೋಸ್​ ವ್ಯಾಕ್ಸಿನ್​​ ನೀಡಲಾಗಿತ್ತು. ಇಂದು ಬೆಳಗ್ಗೆ 10 ರ ವೇಳೆಗೆ 100 ಕೋಟಿ ಡೋಸ್​ ವ್ಯಾಕ್ಸಿನ್​ ವಿತರಣೆ ಸಂಪೂರ್ಣವಾಗಿದ್ದು, ಭಾರತ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ. ದೇಶದ ಅರ್ಹ ಫಲಾನುಭವಿಗಳ ಪೈಕಿ ಶೇ. 75ರಷ್ಟು ಜನರಿಗೆ ಮೊದಲ ಡೋಸ್​ ನೀಡಲಾಗಿದೆ. ಶೇ.31ರಷ್ಟು ಜನರು ಎರಡೂ ಡೋಸ್ ವ್ಯಾಕ್ಸಿನ್​ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿರಿ: ಶಾರೂಖ್ ಪುತ್ರನಿಗೆ ಜೈಲೇ ಗತಿ: ಜಾಮೀನು ಅರ್ಜಿ ವಜಾಗೊಳಿಸಿದ ಎನ್‌ಡಿಪಿಎಸ್‌ ವಿಶೇಷ ಕೋರ್ಟ್!

today-india-set-to-cross-historic-record-giving-1-billion-vaccine-milestone-celebration-at-red-fort

ಇಡೀ ವಿಶ್ವಕ್ಕೆ ಕೊರೋನಾ ಹಂಚಿದ್ದ ಚೀನಾದಲ್ಲಿ ಈಗಾಗಲೇ 100 ಕೋಟಿ ಡೋಸ್​ ಲಸಿಕೆಯನ್ನ ವಿತರಿಸಲಾಗಿದೆ. 100 ಕೋಟಿ ಡೋಸ್​ ಲಸಿಕೆ ವಿತರಿಸಿದ ಎರಡನೇ ರಾಷ್ಟ್ರ ಎಂಬ ಹೆಗ್ಗಳಿಗೆ ಭಾರತಕ್ಕೆ ಸೇರಿದೆ. ಕಳೆದ ತಿಂಗಳು ಮೋದಿ ಜನ್ಮದಿನದಂದು ಒಂದೇ ದಿನ 2.5 ಕೋಟಿ ಡೋಸ್​ ಲಸಿಕೆಗಳನ್ನ ನೀಡಲಾಗಿತ್ತು. ಕೋವಿಡ್​ ವ್ಯಾಕ್ಸಿನ್​ ಡ್ರೈವ್​ಗೆ ಚಾಲನೆ ನೀಡುವ ಮುನ್ನ ಪ್ರಧಾನಿ ಮೋದಿ ಡಿಸೆಂಬರ್​ ವೇಳೆಗೆ 100 ಕೋಟಿ ಡೋಸ್​ ವ್ಯಾಕ್ಸಿನ್​ ನೀಡುವ ಭರವಸೆಯನ್ನು ನೀಡಿದ್ದರು. ಅದರಂತೆ ಅಕ್ಟೋಬರ್​​ ವೇಳೆಗೆ 100 ಕೋಟಿ ವ್ಯಾಕ್ಸಿನ್​ ವಿತರಣೆಯಾಗಿದೆ. ಆದಷ್ಟು ಬೇಗ ಉಳಿದವರಿಗೂ ವ್ಯಾಕ್ಸಿನ್​​ ಒದಗಿಸುವ ಕೆಲಸಗಳು ನಡೆಯುತ್ತಿವೆ. ಮಕ್ಕಳಿಗೆ ಹಾಕುವ ವ್ಯಾಕ್ಸಿನ್​ ಬಗ್ಗೆ ಅಂತಿಮ ಹಂತದ ಸಂಶೋಧನೆಗಳು ನಡೆಯುತ್ತಿವೆ. ಇದಾದ ಬಳಿಕ ಮಕ್ಕಳಿಗೂ ಆದಷ್ಟು ಬೇಗ ವ್ಯಾಕ್ಸಿನ್​ ಸಿಗಲಿದೆ.

                                  Follow us on:
                     

LEAVE A REPLY

Please enter your comment!
Please enter your name here