ಬಾಸೆಲ್(ಸ್ವಿಟ್ಜರ್ಲ್ಯಾಂಡ್) : ಪಿ.ವಿ. ಸಿಂಧು ಭಾನುವಾರ ನಡೆದ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ನಲ್ಲಿ ಮಹಿಳಾ ಸಿಂಗಲ್ಸ್ ಚಿನ್ನದ ಪದಕ ಗೆಲ್ಲುವ ಮೂಲಕ ಹೊಸ ಇತಿಹಾಸ ಸೃಷ್ಟಿಸಿದರು. ಈ ಪಂದ್ಯದಲ್ಲಿ ಜಪಾನ್‌ನ ಪ್ರತಿಸ್ಪರ್ಧಿ ನೊಝೋಮಿ ಒಕುಹರಾ ಅವರನ್ನು ಸೋಲಿಸುವ ಮೂಲಕ ಸಿಂಧು ಈ ಸಾಧನೆ ಮಾಡಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
      38 ನಿಮಿಷಗಳ ಫೈನಲ್‌ನಲ್ಲಿ ಸಿಂಧು, ಒಕುಹರಾ ಅವರನ್ನು 21–7, 21–7 ರ ನೇರ ಸೆಟ್ ಗಳ ಅಂತರದಲ್ಲಿ ಸೋಲಿಸಿದರು. ಎರಡು ವರ್ಷಗಳ ಹಿಂದೆ ನಡೆದ ಪಂದ್ಯಾವಳಿಯ ಫೈನಲ್‌ನಲ್ಲಿ ಸಿಂಧು ಒಕುಹರಾ ವಿರುದ್ಧ ಸೋತಿದ್ದಕ್ಕೆ ಪ್ರತೀಕಾರ ತೀರಿಸಿಕೊಂಡರು. 2017 ರಲ್ಲಿ, ಒಕುಹರಾ 110 ನಿಮಿಷಗಳ ಅಂತಿಮ ಪಂದ್ಯದಲ್ಲಿ ಪಿ.ವಿ.ಸಿಂಧು ಅವರನ್ನು ಸೋಲಿಸಿದ್ದರು. ಈ ಪಂದ್ಯವನ್ನು ಬ್ಯಾಡ್ಮಿಂಟನ್ ಇತಿಹಾಸದ ರೋಚಕ ಪಂದ್ಯಗಳಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ.
       ಪಂದ್ಯದ ನಂತರ ಮಾತನಾಡಿದ ಸಿಂಧು, “ಕೊನೆಯ ಬಾರಿ ನಾನು ಫೈನಲ್‌ನಲ್ಲಿ ಸೋತಿದ್ದೇ, ಫೈನಲ್‌ನಲ್ಲಿ ಈ ಬಾರಿ ಗೆಲುವು ದಾಖಲಿಸುವುದು ನನಗೆ ಬಹಳ ಮುಖ್ಯವಾಗಿತ್ತು. ಪ್ರೋತ್ಸಾಹಕ್ಕಾಗಿ ಇಲ್ಲಿನ ಪ್ರೇಕ್ಷಕರಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ನಾನು ನನ್ನ ದೇಶಕ್ಕಾಗಿ ಈ ಗೆಲುವು ತಂದಿದ್ದು ಹೆಮ್ಮೆ ಎನಿಸುತ್ತಿದೆ ಎಂದು ಅವರು ಹೇಳಿದರು. ಕಿಮ್ ಜೊತೆಗೆ ನನ್ನ ತರಬೇತುದಾರ ಗೋಪಿ ಸರ್ ಮತ್ತು ಸಹ ಸದಸ್ಯರಿಗೆ ಕೃತಜ್ಞತೆ. ನಾನು ಈ ವಿಜಯವನ್ನು ನನ್ನ ತಾಯಿಯ ಅರ್ಪಿಸುತ್ತೇನೆ, ಇಂದು ಅವಳ ಜನ್ಮದಿನ. ಅಮ್ಮನಿಗೆ ಏನಾದರೂ ಗಿಫ್ಟ್ ಕೊಡಬೇಕು ಎಂದುಕೊಂಡಿದ್ದೆ. ಇಂದು ಈ ಚಿನ್ನದ ಪದಕವನ್ನು ಕೊಡುತ್ತಿದ್ದೇನೆ” ಎಂದು ಹೇಳಿದರು.
ಇದನ್ನೂ ಓದಿರಿ: ಸಕಲ ಸರಕಾರಿ ಗೌರವಗಳೊಂದಿಗೆ ಪಂಚ ಭೂತಗಳಲ್ಲಿ ಲೀನರಾದ ಅರುಣ್ ಜೇಟ್ಲಿ
SPONSORED CONTENT

ತಾಜಾ ಸುದ್ದಿಗಳಿಗಾಗಿ ನಮ್ಮನ್ನು ಸಾಮಾಜಿಕ ತಾಣಗಳಲ್ಲಿ ಫಾಲೋ ಮಾಡಿ
ವಾಟ್ಸಪ್ಟೆಲಿಗ್ರಾಮ್ಕೂ ಆಫ್ಫೇಸ್ ಬುಕ್ ಫೇಜ್

ಪ್ರತಿಷ್ಠಿತ ನ್ಯೂಸ್ ಆಫ್ ಗಳಲ್ಲಿ ನಮ್ಮನ್ನು ಫಾಲೋ ಮಾಡಿ
ಡೈಲಿಹಂಟ್ಗೂಗಲ್ ನ್ಯೂಸ್ 

LEAVE A REPLY

Please enter your comment!
Please enter your name here